Një 61-vjeçar është arrestuar në flagrancë nga Policia e Tiranës, forcat e komisariatit numër 5, pasi ka ushtruar dhunë fizike dhe psikologjike ndaj bashkëshortes. Teksa kunati dhe djali i tij janë shpallur në kërkim pasi e kanë goditur 61-vjeçarin.
Specialistët për Hetimin e Krimit në Komisariatin e Policisë Nr.5 bënë arrestimin në flagrancë të shtetasit S. R., 61 vjeç, pasi ka ushtruar dhunë fizike dhe psikologjike ndaj bashkëshortes së tij.
Në vijim të veprimeve u shpallën në kërkim shtetasit M. N, 52 vjeç dhe E. N, 20 vjeç (babë e bir), pasi kanë goditur shtetasin S. R, 61 vjeç (kunati i tyre).
Gjithashtu, një tjetër burrë dhunues u arrestua nga specialistët për Hetimin e Krimit në Komisariatin e Policisë Nr.4. Shtetasi M. S. (D), 33 vjeç, i dënuar më parë, për veprat penale “Vrasja me paramendim” kryer në bashkëpunim, mbetur ne tentativë u arrestuar pasi ka ushtruar dhunë fizike dhe psikologjike ndaj bashkëshortes së tij.
Ndërkohë nga specialistët për Hetimin e Krimit në Komisariatin e Policisë Nr.6 u bë arrestimi në flagrancë i 29-vjeçarit me iniciale O. Z., pasi ka ushtruar dhunë fizike dhe psikologjike ndaj nënës së tij.
