Sulmuesi i skuadrës së Interit, Joaquin Correa heroi në duelin ndaj Udinezes ka komentuar suksesin ndaj friulianëve ku ai ishte heroi i dy golave të vetëm për zikaltërit. Sulmuesi argjentinas ka theksuar se po rikthehet në formën e tij më të mirë.
“Po kthehem në formë, kam patur probleme fizike dhe kjo gjë më ka shqetësuar pak, por tani jam gati të ndihmoj Interin. Jam shumë i lumtur për dy golat e sotëm, ekipi më ndihmoi shumë të realizoja golat dhe për këtë gjë jam shumë I kënaqur.
Të shënosh dy gola në një ndeshje në “San Siro “ ishte një ëndërr e kthyer në realitet për mua, dua të shënoj akoma më shumë. Tani të ecim përpara e të punojmë shumë”, theksoi me modesti sulmuesi i skuadrës së Interit, Correa.
