Këngëtari i njohur botëror, Ed Sheeran, ka zbuluar se dikur mendonte se ishte homoseksual sepse i pëlqente Britney Spears dhe muzikalët.
Gjatë një interviste të dhënë së fundmi, këngëtari britanik shpjegoi se kurrë nuk ishte ndjerë “shumë mashkullor” pasi nuk ishte i dhënë pas gjërave tipike që lidhen me burrat, si makinat.
“Unë kam një anë të caktuar femërore, deri në atë pikë sa kur isha fëmijë mendova se isha homoseksual. Patjetër që kam një anë të madhe femërore. Unë e dua teatrin muzikor, e dua muzikën pop, e dua Britney Spears”, u shpreh ai.
“Ana ime mashkullore ndoshta ndalet në pirjen e birrës dhe shikimin e futbollit,” vazhdoi ai.
Kujtojmë që këngëtari zbuloi pak ditë më parë se ishte infektuar me Covid-19 bashkë me të bijën një vjeçare, të cilën e ndan me gruan Cherry Seaborn.
