Dy ditë më parë ish-Kryeministri Sali Berisha lajmëroi nga “Foltorja” e Lezhës se më 11 dhjetor do të mbahet Kuvendi Kombëtar i PD-së.
Këtë vendim nga ana e ish-kryeministrit, ish-anëtari i Kryesisë Fatbardh Kadilli, është shprehur se është e drejtë legjitime që Kuvendi të mbahet nëse janë mbledhur 1500 firmat e delegatëve të PD. Ai thotë se nuk pret që Kryedemorkati Lulzim Basha të largohet, ndërsa shton se ky i fundit duhet të kishte reflektuar në lidhje me situatën që është krijuar në PD.
“Nuk është çështje date e gjitha është një aksion politik që ka nisur Berisha dhe mbështetësin e ka gjeneruar. Në rastin se Berisha i ka numrat e mjaftueshëm për të mbëldhur Kuvendin është një e drejtë legjitime. nëse demorkatët kanë firmosur për të thirrur Kuvendin, Kuvendi natyrisht thirret. Nëse gjysma e demokratëve nuk marrin pjesë në Kuvend, Kuvendi është legjitim”, ka thënë Kadilli.
Teksa ka komentuar “Foltoren” e Berishës, Kadilli ndër të tjera shprehet se njerëzit nuk janë atje për liderin historik të PD, por sipas tij ata janë të pakënaqur nga drejtimi i Bashës.
