Nuk gjen qetësi dosja për ish-gjyqtarin Fatos Lulo i cili akuzohet për korrupsion, pasi është rikthyer në prokurorinë e Posaçme për plotësim hetimesh. Seanca e radhës mësohet se do të mbahet me 1 dhjetor. SPAK kërkoi dërgimin në gjyq për deklarim të rremë pasurie e fshehje. Ndërkohë GJKKO vendosi që duhet plotësuar dosja hetimore.
Lulo përmes avokatit ka pretenduar se nuk ka vepër penale dhe se pasurinë e ka të justifikuar.
Kujtojmë që SPAK i sekuestroi pasurinë Lulos, pasi dyshohet se nuk e justifikon atë. Prokuroria e Posaçme vuri nën sekuestro: Një dyqan me sipërfaqe 172m2, i cili ndodhet në Rrugën Durrësit në kryeqytet.
Nga hetimet ka rezultuar se, Lulo ka mungesë të ardhurash financiare për krijimin e pasurisë. Nga ana tjetër ish-gjyqtari përmes avokatit të tij mbrojtës, pretendoi se nuk ka kryer asnjë vepër penale dhe se pasuritë e tij janë krijuar me burime të ligjshme.
