Lojtari shqiptar i Juventus që është dhënë për huazim te Tiroli i Bundesligës austriake, Giacomo Vrioni është duke kaluar një sezon shumë të mirë. Sulmuesi është në super formë dhe në 11 ndeshje të luajtura ai ka shënuar plot 7 gola të total, duke u kthyer në faktor për ekipin ku luan.
Ndonëse ekipi i tij nuk është në pozita shumë të mira, duke u renditur në vend të 10 me 13 pikë gjithsej, shqiptari ka pasur goxha ecuri.
Kontrata e huazimit të tij te ekipi austriak përfundon në verë dhe me shumë mundësi Juventus mund ta tërheq sulmuesin, duke ditur edhe gjendjen e keqe ku ndodhet, duke u renditur në vend të 9 të tabelës së Seria A me vetëm 15 pikë.
Megjithatë vëmendja kryesore sulmuesit i duhet treguar nga Kombëtarja shqiptare, pasi do të ishte mëkat që në kualifikueset e nëntorit të mos grumbullohej një nga lojtarët më produktiv të momentit./K.T/Gijotina.com
