Kjo javë ka nisur me një tjetër aksident të rëndë në Koplik. Burime për gijotina.com bëjnë me dije se janë përplasur dy automjete. Siç shihet edhe nga fotot e siguruara, përplasja ka qenë shumë e fortë e për pasojë dy automjetet janë shkatërruar plotësisht në pjesën e pasme dhe të përparme.
Deri tani raportohet për 4 persona të plagosur, 1 prej tyre në gjendje të rëndë.
Theksojmë se aksidenti ka ndodhur afër me Besjonin e Ri ne Koplik. Ndërsa, policia dhe zjarrfikësja ndodhen në vendngjarje.
Kujtojmë se numri i aksidenteve rrugore për këtë fund muaji është rritur. Vetëm dje u raportuan 10 aksidente, ndërsa të plagosur kanë mbetur 11 persona dhe 3 të tjerë kanë humbur jetën.
