Prova javore për banorët e “Big Brother VIP” këtë herë quhet “loja e qetësisë”.
Sipas saj, të gjithë konkurrentët do të përballen me situata të ndryshme, por duhet të mos reagojnë dhe madje t’i injorojnë ato.
Pas hyrjes së një personi të maskuar, muzikës me pasthirrma seksi në sfond, erdhi radha që banorët të kalojnë një sfidë edhe më të fortë. Moderatorja e këtij reality show, Arbana Osmani, vendosi që të hynte dhe t’u bënte një surprizë të gjithëve, por në kushte jo të zakonshme. Ata duhet të silleshin sikur ajo nuk ekzistonte.
Gjatë kohës që Iliri dhe Kledi gatuajnë në kuzhinë, Arbana u shkon pranë dhe nis të marrë edhe ajo ingredientë të ndryshëm që të qëndrojë pranë tyre, për t’i provokuar. Megjithatë, duket se djemtë e kaluan me sukses sfidën, sepse vazhduan të gatuanin, pavarësisht prezencës së Osmanit. Madje ata as nuk e shihnin moderatoren.
Ajo gjithashtu shkoi edhe tek konkurrentët e tjerë në oborr, dhe dy prej tyre nuk mundën të mos reagonin. Bëhet fjalë për Granitin dhe për Sahrën. Megjithatë e kuptuan shumë shpejt që ajo ishte pjesë e lojës dhe nisën ta injoronin.
