Këngëtarja me famë botërore, Lana Del Rey, thuhet se është ndarë nga fejuari i saj, Clayton Johnson, pasi sipas “The Mirror”, dyshja ka hasur probleme gjatë izolimit.
“Ajo është duke punuar për albumin e ri. Bllokimi pati vështirësitë e veta dhe ata fatkeqësisht kanë ndarë rrugët.”, u shpreh një burim.
Clayton kishte shpërndarë një foto të tyre së bashku në Instagram në shkurt, por fotografia tashmë është fshirë nga llogaria.
Këngëtarja e hitit “Video Games” u fejua me Clayton Johnson dhjetorin e kaluar, disa muaj pasi u takuan përmes një aplikacioni takimesh.
Lana më parë ishte në lidhje me këngëtarin skocez Barrie-James O’Neill për tre vjet deri në vitin 2014, përpara se të lidhej me fotografin italian Francesco Carrozzini në 2015 dhe me reperin G-Eazy në 2017.
