Gjendja e Sergio Agueros i ka shqetësuar të gjithë te klubi i Barcelonës, me argjentinasin që do duhet të qëndrojë 3 muaj jashtë fushave për shkak të shqetësimit që shfaqi në zemër.
Lojtari u ndje keq në ndeshjen e Barçës kundër Alaves dhe u detyrua të linte fushën në pjesën e parë të ndeshjes.
‘Marca’ raporton se ka kontaktuar kardiologun e 33-vjeçarit dhe se e ka informuar mbi gjendjen e tij.
“Aritmia që përjetoi Aguero nuk ishte një aritmi malignant, sepse në të kundërt ai nuk do të luante më futboll,”-ka thënë kardiologu Alonso.
Më tej ai ka shtuar se Aguero do mund të luajë sërish, por shtoi se ajo do të varet gjithmonë se si do të reagojë aritmia e tij.
“A do të luaj më ai? Nga pikëpamja ime si kardiolog mendoj se do të luaj përsëri, por sportistët kanë rrahje të shpeshta zemre kur merren me aktivitetin përkatës, kështu që nuk e di , varet se si do të reagojë aritmia ndaj tij”,-shtoi mjeku./K.T/Gijotina.com
