Vetëm pak para zgjedhjeve, presidenti i Francës, Emmanuel Macron ka prezantuar kontratën e angazhimit, që përfshin të rinjtë e papunë nga mosha 16 deri në 26 vjeç.Të gjithë ato që i plotësojnë kriteret do të mund të marrin nga shteti francez plot 500 euro në muaj, të konsideruara si “lekë xhepi”.
Paratë do të merren në këmbim të trajnimeve që do të kryejnë në programe speciale për të pasur 15 deri në 20 orë trajnim në javë për të zbuluar një profesion, për t’u trajnuar dhe për të gjetur një punë.
Sipas presidentit francez, kjo kontratë do të hyjë në fuqi më 1 mars 2022, ndërsa lajmin e bëri të ditur përmes një statusi në Facebook.
“Të rinjtë që i plotësojnë këto kritere do të përfitojnë kompensim mujor prej 500 eurosh, në këmbim të trajnimeve. Të rinjtë do të mund të regjistrohen në programe speciale për të pasur 15 deri në 20 orë trajnim në javë për të zbuluar një profesion, për t’u trajnuar dhe për të gjetur një punë”, shkruan Macron në postimin përkatës.
