Në mediet rozë është përfolur prej kohësh për një lidhje të mundshme midis Capital T dhe modeles Adrola Dushi.
Këto thashetheme e kanë pasur pikënisjen nga videoklipi i reperit, ku ishte e përfshirë edhe Adrola.
Edhe pse ata e mohojnë që mund të ketë një romancë midis tyre, postimet që janë bërë në rrjete sociale kanë hedhur më shumë dyshime mbi raportin e tyre.
Së fundmi, reperi është përballur me një situatë tjetër që lidhet me Adrolën. Ai ka publikuar një foto ku shihet me Adrolën krahas këngës “C’est la vie”. Shumë fansa nisën ta urojnë për një fejesë me bukuroshen shqiptare, gjë që solli dhe reagimin e tij.
Pas komenteve të shumta, reperi shpjegoi se ka qenë stafi i tij i cili ka postuar këtë imazh për të rikthyer këngën.
“Kur të fejohem në të vërtetë më bëni urime. Kjo fotografi u postua nga stafi im të cilët e menaxhojnë faqen time. Ju faleminderit.”, tha ai.
