Skuadra e Kuëksit përballet me Egnatian në turin e dytë të kupës së Shqipërisë. Trajneri i ekipit verilindor, Diego Longo ka theksuar se skuadra e tij synon kampionatin dhe kupën e Shqipërisë.
“Çdo kompeticion dhe gjithashtu çdo seancë stërvitore është shumë e rëndësishme për ne. Kupa është nëj trofe dhe ne do të provojmë ta çojmë në Kukës.
Egnatia është një ekip i vështirë dhe këtë e kam thënë që në fillim. Tani është ndryshe nga fillimi, pasi kanë ardhur në formë dhe do të na e bëjë më të vështirë edhe fusha, pasi do të luhet në Peqin.
Jam i lumtur për mënyrën sesi kemi luajtur dhe jemi stërvitur deri tani. Sigurisht që rezultatet janë shumë të rëndësishme. Kemi humbur tre pikë naive si dy ndaj Laçit dhe një ndaj Teutës, megjithatë puna ime është të analizoj paraqitjen e skuadrës”, theksoi Longo.
Discussion about this post