Pak orë para fillimit të ndeshjes ndërmjes Atalantës dhe Manchester United ka ndodhur një përleshje ndërmjet tifozëve të të dyja skuadrave në një prej lokaleve të Bergamos. Ultrasit e Atalantës kanë sulmuar ata të Mançester Junajtdit që kishin udhëtuar nga Britania e Madhe drejt Italisë.
Sipas italianes ‘La Gazzetta dello Sport’, një tifoz i Junajtid dhe një kamariere janë plagosur. Burimet thonë se ultrasit e Atalantës ishin veshur me të zeza dhe sulmuan në një lokal të quajtur ‘The Ritual’.
Si pasojë e kësaj ngjarjeje, autoritetet e Bergamos kanë vendosur të limitojnë shitjen në masë të pijeve alkolike për 24 orë. Kjo vlen kryesisht për ambjentet rreth stadiumit.
Tani mbetet të shihet se cili do të jetë reagimi i UEFA-s por vështirë se mund të ketë një dënim pasi ngjarja ndodhi jashtë perimetrit të stadiumit.
Discussion about this post