Boksieri shqiptar Alban Beqiri, nga Tirana, ka triumfuar duke siguruar medaljen e parë historike në Kampionatin Botëror të Boksit, duke u kualifikuar kështu në gjysmëfinale.
Kjo është arritje për Shqipërinë, pasi një sportist kuqezi shkon për here te parë kaq larg. Boksieri shqiptar ka të siguruar tashmë medaljen e bronzit dhe do të provojë për më shumë. Në mes të Beogradit, Beqiri ka valëvitur edhe flamurin kombëtar.
Beqiri u përballë me jordanezin, Zeyad Eashash, në kategorinë e peshave 67-71 kg. Pukiani fitoi me rezultatin e përgjithshëm 4-1.
Serbia nuk ka lejuar tre boksierë nga Kosova që të futen në territorin e saj me simbole shtetërore dhe të marrin pjesë në këtë Kampionat Botëror. Ndërsa ekipi i Shqipërisë është pritur me fishkëllima në hapje të Kampionatit.
Discussion about this post