Në elitën e futbollit shqiptar janë ezauruar shtatë javët e para të kampionatit. Skuadra e Tiranës udhëheq kreun e klasifikimit në kuotën e 17 pikëve teksa ndiqet nga Kukësit. Renditja tregon se këto dy skuadra zotërojnë një potencial të jashtëzakonshëm lojtarësh. Në formacionin më të mirë të javës që lamë pas Tirana dhe Kukësi përfaqësohen me tre futbollistë.
Në rreshtimin sulmues 3-4-3 në portë qëndron gardiani Tafa i Kukësit i cili zhvilloi një performancë unikale ndaj Dinamos. Në mbrojte rreshtohen Përgjoni dhe Behiratçe nga Tirana si dhe Neziri nga Kastrioti. Në mesin e fushës rreshtohen Basha dhe Gj.Taipi i Kukësit, Deliu i Laçit dhe Telushi i Egnatias i cili zhvilloi një ndeshje të mirë ndaj Partizanit. Në fazën ofensive janë vendosur Seferi i Tiranës, Guindo i Laçit dhe Mudrazija i Kastriotit, heroi i krutanëve në barazimin ndaj Teutës.
Discussion about this post