Gasperini tregon çfarë foli me Ronaldon pas golit të dytë

Gian Piero Gasperini ka treguar se pas golit të dytë të Cristiano Ronaldos i tha yllit të Manchester United që të ‘shkonte në ferr’.

Kjo ndodhi gjatë ndeshjes së Champions League të Atalantës me United mbrëmjen e së martës, e cila u mbyll me barazimin 2-2 dhe portugezi realizoi të dy golat për ‘Djajtë e kuq’.

Atalanta u duk se do të dilte me tre pikë nga ndeshja e raundit të katërt të grupeve por në minutat e fundit të ndeshjes Ronaldo barazoi vlerat.

Teksa pikët e United në Champions janë marrë vetëm nga golat e portugezit, me 36-vjeçarin që ka shënuar në fitoret kundër Villarreal dhe Atalantës në shtëpi dhe së fundmi barazimi në transfertë.

Trajneri i Atalantës u pa në fund të ndeshjes i përqafuar dhe që shkëmbeu disa fjalë me Ronaldon, për të cilin tha: Çfarë mund të them, është e pabesueshme, e çmendur, ai nuk tërhiqet kurrë. Disa madje arritën të thonë se ai ishte një problem, imagjinoni Ronaldon si një problem!

Më tej Gasperini shtoi se i kishte thënë me shaka portugezit: “E di çfarë themi ne në Itali, shko në ferr”./K.T/Gijotina.com