Trajneri Diego Longo foli para mediave pas ndeshjes ndaj Egnatias, ku tekniku u tregua shpresëplotë me besimin se në ndeshjen e kthimit skuadra e tij ka akoma për të dhënë.
Kukësi ditën e sotme u ndal nga Egnatia me rezultatin 3-1, në shtëpinë e këtyre të fundit. Goli i Imerit dhe dopieta e Pedro ishin ato që ‘fundosën’ Kukësin e Longos, që nuk mundi të bënte asgjë më shumë veçse golit të Ndrecës në minutën e 67’.
“Nuk ka përfunduar asgjë. E dija që ndeshja ndaj Egnatias do të ishte ndryshe nga kampionati pasi kanë marrë disa rezultate pozitive dhe kanë krijuar besim. Megjithatë, është gjysma e rrugës pasi ka edhe ndeshjen e dytë.”
“Ndeshja e kthimit do të luhet në një stadium me fushë normale, jo në një stadium si ky që ishte sot. Megjithatë, ka edhe një tjetër ndeshje pasi edhe në pjesën e dytë krijuam dhe bëmë mirë, por na munguan golat.”
“Siç e thashë edhe më parë, është vetëm ndeshja e parë dhe në të dytën do të provojmë të shënojmë të paktën dy gola” mbylli trajneri.
Discussion about this post