Kontrolli i Lartë i Shtetit nga auditimet e bëra në institucionet përgjegjëse për rindërtimin, ka evidentuar se shuma totale e ofruar për Shqipërinë, ka arritur në 1.15 miliardë euro. Nga të dhënat e publikuara vihet re se nga këto 74.5 milionë euro janë grant, ndërsa pjesa tjetër hua, pra që në të ardhmen qeveria shqiptare do detyrohet t’i shlyej.
Konkretisht, 5 milionë euro grant janë dhuruar nga Italia, e cila në total ka dhënë 90 milionë euro për Shqipërinë. 1 milionë euro grant i ka dhënë shteti francez, nga 60 milionë euro të dhëna në total për ujësjellësin dhe kanalizimet në Durrës. 2 milionë euro grant i ka dhënë Serbia, Zvicra – 9 milionë euro grant dhe Katari – 5 milionë dollarë. Ndërkohë, Banka Evropiane e Investime ka dhënë 2.5 milionë euro grante dhe 100 milionë euro hua. Ndërsa, Banka Evropiane për Zhvillim ka dhënë 150 milionë euro, ku 50 milionë euro janë grant.
Ndërsa vendet e tjera kanë dhënë shuma të konsiderueshme huash për vendin tonë në kuadër të procesit të rindërtimit. Konkretisht, Gjermania – 11 milionë euro, Suedia – 5.6 milionë euro Holanda – 3 milionë euro, Danimarka – 2 milionë euro, Kroacia – 1 milionë euro dhe Polonia – 2.7 milionë euro. Ndërsa Greqia ka investuar me 2.5 milionë euro për ndërtimin e 100 banesave. Sakaq, bëhet me dije se vendet fqinje si Mali i Zi, Maqedonia e Veriut dhe Kosova kanë dhënë përkatësisht: 500 mijë euro,100 mijë euro dhe 200 mijë euro. Ndër të tjera, bëhet me dije se Sllovakia ka dhënë 250 mijë euro, Austria – 1 milion euro, Çekia – 380 mijë euro, Sllovenia – 300 mijë euro, Finlanda – 300 mijë euro, Portugalia – Ndihmë teknike dhe financiare, Luksemburgu – 150 mijë euro përmes UNICEF, Bullgaria – 100 mijë euro, Rumania – 50 mijë euro, Hungaria – 250 mijë euro, Irlanda – Premton kontribut financiar.
Ndërkohë, me programe të përcaktuara kanë dhuruar shumat e tyre Turqia e cila ka dhënë 45 milionë euro për ndërtimin e 504 shtëpive në Laç dhe 100 mijë euro për xhaminë e Prezës. Emiratet e Bashkuara Arabe ka dhënë 70 milionë dollarë për projektin e ndërtimit nga e para të 2 mijë shtëpive. Shtetet e Bashkuara të Amerikës kanë dhuruar 3.9 milionë dollarë, ku 100 mijë dollarë për monumentet e dëmtuara.
Ndërsa, organizatat ndërkombëtarë kanë financuar shumë të mëdha, ku kanë përcaktuar gjithashtu se ku do të investojnë kryesisht. Konkretisht, Banka Islamike për Zhvillim ka dhënë 365 milionë euro hua në 5 vite, ku 50 milionë për rikuperimin e biznesit. Banka Botërore ka dhënë 106 milionë euro hua, plus 50 milionë hua për spitalet. Ndërsa BERZH ka dhuruar 100 milionë euro për rindërtimet publike dhe 18 milionë hua për ujësjellës dhe infrastrukturë. Bëhet me dije se UNICEF ka dhënë 500 mijë euro hua.
Sakaq, raportohet se, Bosnje dhe Hercegovina ka dhënë 50 mijë euro, Japonia – 2.15 milionë euro, Mbretëria e Britanisë së Madhe dhe Irlandës së Veriut – 1 milionë paund, Azerbajxhani – 500 mijë euro Norvegjia – 500 mijë euro, Koreja e Jugut – 300 mijë dollarë, Lihtenshtejni – 50 mijë euro, Algjeria – 50 mijë euro dhe Brunei – 30 mijë euro.
Sakaq, KLSH tregon se qeveria shqiptare nuk ka arritur t’i plotësisht fondet sepse rregulli përcakton që më parë duhet të paraqes projektet e plota, të sakta dhe të miratuara se ku dhe si do të shfrytëzohen ato para.
Discussion about this post