Pas deklaratës së ministres së Shëndetësisë, Ogerta Manastirliu se do qytetarët shqiptarë do të duhet të jenë të pajisur me ‘Greenpass’ nëse duan të futen në lokale dhe në shërbimet publike, ka reaguar Kreu i Shoqatës së Bareve dhe Restoranteve, Enri Jahaj.
Jahaj shprehet se është kundër këtij vendimi pasi nevoja për t’u pajisur me ‘Green pass’ do të penalizoj bizneset, siç ka ndodhur dy vitet e fundit nga pandemia.
Ai thekson se situata për bizneset vijon të jetë dramatike në vend, si pasojë e pandemisë që i goditi, ndaj nëse kërkohet një çertifikatë vaksinimi nuk dihet se ku mund të shkojë situata me bizneset, të cilat sipas tij po vuajnë krizën financiare që nga viti 2020 dhe aktualisht ndodhen në një rreth ciklik borxhesh.
Situata është drastike, dihet se ku do të shkojnë nëse dikush i kërkon një certifikatë vaksinimi. Ne mbartëm gjithë krizën financiare nga 2020. Parashikimet janë që në mars do të kemi këtë lloj krizë. Krizë pas krize këto lloj biznesesh janë futur në një rreth ciklik borxhesh.’- tha Jahaj
Sipas kreut të Shoqatës së Bareve dhe Restoranteve, bizneset vijojnë të punojnë nën masa kufizuese, ndaj ky hap është i panevojshëm.
Poblem për Jahajn ngelet dhe të dhënat e klientëve të cilat i cilësoi si sensitive dhe si një tjetër arsye e fortë që do të penalizonte bizneset.
“Jemi kundër pasi prek në mënyrë direkte të dhënat e çdo klienti. Kjo nuk është as ligjore, pasi nuk mund tu kërkojmë të dhëna sensitive klientëve tanë. Bizneset tona janë të vetmit që punojnë nën masa kufizuese. Presim të ketë një njoftim pasi në Shqipëri kjo masë nuk do të zbatohet. “
Discussion about this post