Moti i ftohtë dhe viroza që qarkullojnë kudo kanë shtuar numrin e urgjencave në pediatri. Mësohet se, në urgjencën pediatrike në QSUT bëhen mesatasrisht 230 vizita në 24 orë, numër i cili shkon në rritje gjatë fundjavave. Shqetësues është se në javët e fundit, po shtrohen fëmijë të prekur nga koronavirusi. Aktualisht janë 9 fëmijë të shtruar në pavijonin COVID në pediatri të moshave 1-14 vjeç.
Sipas mjekëve fëmijët paraqiten me temperaturë, kollë dhe me infeksione respiratore. Moshat që kanë shfaqur më tepër probleme dhe kanë pasur nevojë për trajtim nga bluzat e bardha janë ato nga 3-7 vjeç. Më të pakta kanë qenë rastet e moshave 0-2 dhe 8-14 vjeç.
Viroza gojë-dorë-këmbë është një tjetër virozë që po prek fëmijët dhe ka shkaktuar fluks edhe në mjekët pediatër pranë Qendrave Shëndetësore. Kjo viroz jep irritime të lëkurës. Në një muaj vizitat për një pediatër shkojnë deri në 750.
Discussion about this post