Kryeministri Edi Rama nuk i ndal sulmet ndaj presidentit të vendit. Mbrëmjen e së enjtes ai komentuar në lidhje me emrin e presidentit të ri. Ai ka pohuar se një grua që arsyeton dhe flet mirë shqipen do ta bëjë punën më mirë se Ilir Meta.
Ndër të tjera Rama ka pohuar se për presidentin e ri do të diskutojë me opozitën dhe me shqiptarët.
“Çdo grua që arsyeton dhe flet shqipen mirë, e bën punën më mirë se Ilir Meta. Kjo nuk diskutohet. Por çdo gjë do e shtrojmë për diskutim me opozitën por edhe me shqiptarët. Shumë shpejt ne do të hyjmë në një proces të ri dhe do të pyesim shqiptarët”, u shpreh Rama.
Replikat në distancë mes Metës e Ramës kanë qenë të shpeshta gjatë muajve të fundit. Kujtojmë që ato u shpeshtuan më tepër gjatë fushatës elektorale dhe periudhës së zgjedhjeve.
Discussion about this post