Gjykata në Britaninë e Madhe ka vendosur sot të lë në burg Erlin Hasën, shqiptarin i cili masakroi me thikë një 43-vjeçar rumun në Birmingham. I riu ka mohuar që të jetë ai autori i krimit, ndërsa gjykata e akuzon atë se ka goditur62 herë me thikë rumunin Marian Savu, që duket në foto.
Sakaq, bëhet me dije se 35-vjeçari shqiptar vrau ruminin Marian Savu, baba i 3 fëmijëve në sy të njerëzve, të cilët kanë dëshmuar me sytë e tyre ngjarjen e rëndë. Ditën e incidentit, Hasa dhe Savu ndodheshin në shoqërinë e njëri-tjetrit së bashku me disa persona të tjerë. Në orët e para të mëngjesit të dy së bashku konsumuan kokainë dhe më pas e shpërndanë me njerëz të tjerë në tavolinë.
Por disa minuta më vonë, teksa viktima po qëndronte i ulur dhe po lexonte mesazhet e gruas në celular, Hasa mori thikën, i hodhi krahun në qafë sikur ta kishte mik të ngushtë dhe pretendohet se në këtë moment e goditi me thikë.
Edhe pse i kapur në befasi, Savu mundi që t’i shpëtonte sulmeve për momentin dhe doli jashtë në rrugë në një kryqëzim. Por shqiptari e ndoqi dhe e goditi me thikë në mes të rrugës derisa i mori jetën. Pas vrasjes, Hasa shkoi në apartamentin e tij për të larë gjakun që kishte në rroba, megjithatë ishte i çorientuar, i lyer me gjak dhe në momentin kur Policia i shkoi në shtëpi, nuk hezitoi që ta hapte derën duke përfunduar në pranga.
Discussion about this post