Kjo e shtunë do të sjellë derbin e dytë brenda midis Tiranë dhe Dinamos. Dy skuadrat e kryeqytetit do të përballen në orën 19:45 në stadiumin ‘Air Albania’ për javën e tetë të Superligës.
Teksa ka folur në prag të kësaj ndeshje kapiteni i Dinamos, Agim Ibraimi është shprehur se pavarësisht fitores së parë ndaj ‘Bardhebluve’, ndeshjet duhet të merren hap pas hapi.
“Çdo fitore që vjen është pozitive, Çdo fitore na kënaq dhe është motivimin e qetësi për ndeshjen e nesërme. Presidenti dhe i gjithë stafi kanë marrë përsipër një projekt të madh. Fillimi ka qenë i vështirë si gjithmonë, Duhet t’i marrim gjërat hap pas hapi për t’i analizuar dhe projekti do të shkojë atje ku e meriton klubi”,-tha ai.
Duke bërë një krahasim mes dy kundërshtarëve të kryeqytetit, lojtari ka theksuar se si më të fortë sheh Tiranën, por nuk harron të theksojë se edhe Partizani nuk duhet nënvlerësuar.
“Tabela e tregon vetë, Tirana ka lojë më të mirë, por nuk duhet anashkaluar Partizani. Janë ekipet më të mira në Superiore dhe rivaliteti ndikon te të treja ekipet. Gjatë këtyre shtatë javëve, Tirana ka treguar më shumë cilësi”, –shtoi ndër të tjera Ibraimi./K.T/Gijotina.com
Discussion about this post