Roberto Firmino u dëmtua në ndeshjen që Liverpool zhvilloi në Ligën e Kampionëve ndaj Atletiko Madrid. Trajneri i skuadrës angleze, Jurgen Klopp ka theksuar ditën e sotme se sulmuesi brazilian do të mungojë për një kohë të gjatë.
“Sa i përket Firminos nuk kam lajme të mira. Ka pësuar një tërheqje e cila ka rezultuar të jetë shumë serioze dhe Firmino ka qenë i pafat. Ne nuk e dimë me saktësi se sa kohë do të qëndrojë jashtë, por nuk do të rikthehet shpejt edhe pse në mes është pauza e kombëtareve”, u shpreh Klopp.
Sulmuesi ka zhvilluar paraqitje shumë të mira me skuadrën e Liverpoolit por që për fat të keq do të mungojë disa javë për tu rikthyer më pas për pjesën tjetër të sezonit.
Discussion about this post