Pasi sqaroi gjithçka me Fifin i nxitur dhe nga fjalët e banorëve, pak ditë më parë Graniti pranoi që është ende i dashuruar më ish-partneren e tij. Ai ka treguar se marrëdhënia mes tyre është ende e komplikuar dhe se është i shqetësuar se si ajo e ka ndjekur eksperiencën e Granitit brenda “BBV”. Një pjesë e mirë e banorëve kanë shpërthyer në kritik ndaj tij, duke i thënë se bëri gjënë e gabuar që flirtonte me Fifin kur kishte dikë jashtë.
Ndërkohë gjatë spektaklit të sotëm ka ardhur një reagim nga vetë e ish e dashura e tij, e cila i ka dërgua një letër Granitit. Vajza në fjalë ka zgjedhur që nëpërmjet një letre të sqarojë një herë e mirë gjithë situatën. Ndërsa i ka thënë se, ai veproi në mënyrë të gabuar duke lënduar edhe atë që e pret jashtë por edhe Fifin aty brenda.
“Me këtë veprime më lëndove mua jashtë dhe dikë tjetër aty brenda. Nuk mund ta fsheh, jam e lënduar, nuk je Graniti që njoh unë. Graniti që njoh unë nuk i jep shpresa një femre për të cilën nuk ka interes të ketë një lidhje. Vazhdo shijoje atë eksperiencë dhe mos harro se unë nuk jam pjesë e saj. Zemrat nuk bëjnë lojëra”, shkruan ajo.
Pas kësaj letre Graniti u përlot dhe shprehu sërish se e ka marrë malli që ta takojë, madje i tha se buzëqeshja e saj e bën të dridhet. E.H/Gijotina.com/
Discussion about this post