Arjola Demiri ka marrë sot një surprizë të bukur brenda shtëpisë së “Big Brother Vip” Aktorja ka treguar marrëdhënien e veçantë që ka me një personazh të njohur të Kosovës, Adriana Matoshin.
Ajo ka thënë në dhomën e rrëfimeve se, Adriana i ka hapur derën sa herë që ka pasur nevojë, madje është bërë arsyeja që ajo vazhdoi ëndrrën e saj profesionale.
‘’Doja të hiqja dorë, dhe Adriana më tha se nëse do të kishte 5 euro , 2.5 do m’i jepte mua. Kemi jetuar me një domate që e ndanim në katër pjesë dhe pak djathë’’, tha ajo.
Arjola tregoi se është e bekuar që e ka pasur atë mikeshë të jetës së saj. “Që nga momenti i parë që jemi njohur kemi qenë të pandashme. Jam shumë kurioze ta di se si i jam dukur nga jashtë”, shtoi ajo. Ndërsa ajo po fliste në shtëpi hyri Adriana, çka e lumturoi pa masë Arjolën.
Discussion about this post