Zbardhet masakrimi dhe grabitja e biznesmenit Nazmi Çanku në Nikël. Nga kontrollet nëpër banesa dhe në terren nga forcat speciale të FNSH-së me urdhër të Prokurorisë së Krujës, policia bën me dije se është arrestuar personi i identifikuar me emrin Saimir Kuç, i akuzuar për dhunimin e biznesmenit.
Ndërkohë është shpallur në kërkim një person që kamuflohet me tre mbiemra Artan Kurti (Lleshi, Prenga), i cili dyshohet si kreu i grupit kriminal si dhe 6 të tjerë, mes tyre vëllai i Saimir Kurtit, Artan Kurti dhe Llesh Prenga.
Burime nga policia për gijotina.com bëjnë me dije se Artan Prenga, në bashkëpunim me persona të tjerë, është autor i dyshuar i ngjarjes së ndodhur më datë 24.10.2021, në fshatin Nikël të rrethit Krujë.
Gjatë kontrollit të këtyre banesave, në cilësinë e provës materiale janë sekuestruar: 14 telefona, një palë pranga, armë të ftohta, lëndë narkotike, 1 bllokues valësh, pajisje elektronike, detektor për kërkim sendesh të çmuara, një maskë bashkë me doreza, ora të markave të ndryshme me vlerë, bizhuteri floriri, koleksion monedhash (60 monedha të vjetra të shteteve të ndryshme).
Me vendim gjykate FNSH-të kanë kontrolluar 7 banesa në Kombinat, Astir dhe Fushë Mëzes.
I arrestuari Saimir Kuçi nuk është një emër i panjohur për policinë, pasi është arrestuar edhe më parë pikërisht për grabitjet dhe vjedhjen e disa kasafortave dhe bizneseve në Tiranë dhe qytetet të tjera të vendit.
I konsideruar si organizator i grupit të vjedhjeve, ndaj tij dhe 4 anëtarëve të tjerë të grupit janë faktuar 11 grabitje në Tiranë, Durrës, Kavajë, Laç, Lezhë dhe Berat nën kërcënimin e armëve me vlerë deri në 650 milion lekë.
Grabitjet e kryera nga grupi kriminal
– në datë 02.03 2018 ku është vjedhur me armë filiali bankës në rrugën dytësore Tiranë- Durrës.
– në datë 12.04.2018 ku në Kamëz Tiranë është vjedhur banesa e shtetasit A.Rr.
– në datë 15.06.2018 ku në fshatin Vaqarr eshte vjedhur kasaforta e një mobilerie.
– në datë 18.06.2018 ku tek ish qyteti nxënësve në Tiranë është tentuar të vidhet me armë një mobileri.
– në datë 09.10.2017 ku në qytetin e Kavajës është vjedhur e kasaforta e një firme.
– në datë 06.01.2018 ku është vjedhur kasaforta e një shoqerie në rrugën “Frederik Shiroka”.
– në datë 23.12.2017 ku është vjedhur kasaforta e një dyqani në rrugën “Njazi Meka”.
– në datë 04.06.2018 ku është vjedhur kasaforta e një supermaketi në rrugën “Hysen Xhura”.
– në datë 26.02.2018 ku është vjedhur kasaforta e një supermarketi në rrugën “Tom Plezha”.
– ne date 30.01.2017 ku është vjedhur kasaforta e një firme sheqeri në fshatin Picar bashkia Vorë.
– në datë 06.04.2017 ku është vjedhur kasaforta e një firme në fshatin Ahmetaq bashkia Vorë
Gijotjna.com vetëm pak ditë më parë raportoi se Policia kishte identifikuar nga AND-ja në kapele një prej personave të përfshirë në grabitjen dhe dhunimin e biznesmenit Nazmi Çangu. Bëhej fjalë për një person nga Laçi por që jetonte në Tiranë, megjithatë emri i tij ende nuk dihet. Një aksion i ngjashëm ishte zhvilluar edhe pak ditë më parë, por i dyshuari nga Laçi kishte mundur që t’i shpëtonte Policisë.
A.L /gijotina.com
Discussion about this post