Kreu i LZHK, Dashamir Shehi, në një intervistë për mediat, është pyetur për dërgimin e satelitëve në orbitë.
Ai E ka konsideruar si një budallallëk që i shërben propagandës së Edi Ramës dhe se ai mund t’i gjejë paratë, por nuk është kjo nevoja e shqiptarëve.
“Një budallik nga këto, pjesë e propagandës, dreq e shejton. Ai dhe mund t’i gjejë paratë për të çuar disa satelitë atje se nuk është ky hataje e madhe për Shqipërinë. Unë gjykoj që Shqipëria nuk ka nevojë për satelitë njëherë për njëherë se janë mjaftueshëm dronat e policisë po deshën me gjet drogën s’ka nevojë ta shohin nga satelitët” – është shprehur Shehi.
Kujtojmë se kryeministri Edi Rama deklaroi disa javë më parë nga foltorja e Kuvendit, se Shqipëria do të dërgojë në hapësirë dy satelitë që do të jenë shumë të nevojshëm për kontrollin e territorit. Ai madje ka publikuar së fundmi një video në rrjetet sociale, ndërsa informohet nga një ekspert hapësinor për mënyrën se si lëshohen satelitët në hapësirë. Rama aty thotë se Albania 1 do të lëshohet në mars, ndërsa i dyti në muajin qershor.
Discussion about this post