Gjendet i pajetë një shtetas gjerman në Gjakovë

Një shtetas gjerman është gjetur i pajetë në Gjakovë. Mediat atje bëjnë me dije se viktima u gjet në banesë.

Rasti është cilësuar si vdekje e dyshimtë, ndërsa policia ka nisur hetimin. Nuk dihen ende shkaqet e vdekjes, por në orët në vijim pritet të konfirmohen.
Informacionet janë të rezervuara për shkak të hetimit, por gjithashtu ngjarja ka vetëm pak çaste që ka ndodhur.

Zëdhënësi i policisë atje konfirmon trupi i viktimës do të dërgohet në institutin e mjekësisë ligjore për ekzaminim.

Nuk konfirmohet nëse kemi të bëjmë me një turist apo me një person i cili është me banim të përhershëm në Gjakovë.