Zbardhen detaje të reja në lidhje me sasinë e drogës së kapur mbrëmë në Korçë. Burime për gijotina.com bëjnë me dije se dy mjete janë kapur në doganën e Goricës, në zonën e Pustecit.
Sasia e drogës ende nuk dihet, ndërkohë që burime për gijotina.com thanë se janë mbi 100 kg. Aksioni është kryer nga policia e Korçës, e cila ka ndjekur mjetet deri në Goricë dhe i kanë kapur në palën shqiptare.
Ende nuk bëhet me dije numri i saktë i të arrestuarve, por mes tyre është edhe një avokat, i identifikuar si Joni Mosku. Ai u kap në Kapshticë ndërsa tentonte të kalonte drejt Greqisë.
Aksioni vijon ende të zhvillohet, ndërsa pritet një deklaratë nga policia e Korçës për të zbardhur detaje të tjera se si zhvillohej ky trafik ndërkombëtar i drogës.
Discussion about this post