Janë zbardhur detaje të reja nga ngjarja e rëndë që u raportua dje në media, ku drejtori i një shkolle në Pogradec kishte ngacmuar seksualisht dy nxënëse.
Gjyshja e një prej nxënësve ka treguar se drejtori i shkruante fjalë të papërshtatshme të miturës në telefon, ndërsa tha se për rastin e rëndë vajza i kishte treguar mësueses kujdestare.
“I ka shkruar çupës në telefon. Çupa i kishte thënë kujdestares së klasës. Kishte folur me ato pastaj e morëm vesh ne këtë gjë. Ne atë ditë nuk e dinim fare, çupën e kishin marrë e kishin ulur poshtë (e kishin çuar në polici). Ne nuk e dinim pastaj erdhën na thanë që çupa u ul poshtë (shkoi në komisariatin e Pogradecit). Nuk e di çfarë i shkruante, por llafe turpi. Kishte dy javë që shkruante me çupën. Vajza na tregoi pastaj. Prindërit i ka në Greqi, ne kujdesemi për të. Shkuan bashkë në komisariat me çupën tjetër dhe babanë e saj. Dje na thirrën dhe djalin. Ne nuk dalim dot jashtë nga halli i çupës. Shteti e di, ata njerëz që bëjnë këto gjëra, ta varin. Ka 3 ose 4 vjet drejtor në këtë shkollë ndërsa çupa ka 2 vite se ishte në Tiranë”, tha gjyshja e 14-vjeçares.
Për rastin në fjalë, ka reaguar më herët dhe Partia Demokratike, ku deputeti Luçiano Boçi kërkoi një riformatim të sistemit arsimor dhe një legjislacion të ri që përcakton qartë statusin e shkollës.
Discussion about this post