Partia Demokratike ka ngritur sot shqetësimin në lidhje me mbylljen e disa gjykatave. Përmes një postimi në Facebook, Ina Zhupa tregon se shumë shpjet do të mbyllen një gjykatë në Saranda dhe një në Gjirokastër. Sipas saj, kanë ardhur shumë ankesa nga qytetarët që preken nga mbyllja e këtyre institucioneve. Zhupa thotë se, mbyllja e gjykatave do të shtojë kostot dhe zvarritjet për gjyqtarët, pasi çështjet e tyre do kalojnë nën gjykata të një qytetit tjetër.
“Qeveria parashikon të mbyll Gjykatën e Shkallës së Parë Sarandë dhe Gjykatën e Apelit Gjirokastër që mbulojnë me juridiksion ankesat e qytetarëve dhe subjekteve të Sarandës, Ksamilit, Konispolit, Finiqit, Delvinës, zona që përfaqësoj si deputete. Ky është një akt i dëmshëm për banorët e këtyre zonave dhe një akt i papërgjegjshëm i qeverisë nga i cili duhet të tërhiqet. Qytetarët do kenë pamundësinë për të shkuar në gjykatë për shkak të largësisë, gjendjes ekonomike, rrugëve të amortizuara. Shumë qytetarë do të vuajnë rritjen e kostove, humbjen e kohës duke i cenuar kështu në të drejtën qe pretendojnë se mund ta zgjidhin në këto gjykata”, shkruan ajo.
Sipas saj, minimumi qytetarët duhet të udhëtojnë 130 km për të shkuar në gjykatë të zgjidhin problemet e tyre, sigurisht rruga e zgjatur kërkon kosto më të larta dhe më shumë kohë.
“Nëse Gjykata e Sarandës do të shkrihet dhe do të bashkohet me atë të Rrethit Gjyqësor Gjirokastër, konstatohet se vetëm largësia për të shkuar qytetaret e këtyre zonave në Gjykatën Gjirokastër, duhet të udhëtojnë rreth 80 – 90 apo 130 km rrugë duke llogaritur fshatrat e largët të ish Rrethit Sarandë. Nëse Gjykata e Apelit Gjirokastër shkrihet dhe bashkohet me atë të Vlorës ose dërgimi në Fier, aksesi për të shkuar pranë Gjykatës nga qytetarët e Bashkisë Sarandë , Delvinë , Finiq, Konispol shkon rreth 150 – 180 kilometra pa llogaritur kthimin”, shprehet Zhupa. Sipas Zhupës, është e turpshme që mbyllen gjykatat në këto zona bregdetare, për shkak se atje ka me mijëra dosje pronësie të mbutuat pezull.
Duke iu referuar Hartës së Re gjyqësore parashikohet që vijim të mbetet vetëm një gjykatë Apeli, ajo në Tiranë, kjo do detyroj banorët në rrethe të udhëtojnë me orë të tëra dhe të zvarriten.
Discussion about this post