Kryetari i Shoqatës së Prodhimit dhe Përpunimit të Qumështit dhe Mishit, Edmond Gjata, ka shpërthyer sot në akuza të forta ndaj qeverisë në lidhje me ndryshimet në taksat bujqësore. Gjatë fjalës së tij në Komisionin e Veprimtarisë ai tha se, TVSH-ja është deformuar dhe ky është një dëm i madh.
“Deformimi i TVSH-së është strumbullari, duhet të marrim masa që të mos kemi largime nga zonat rurale. Nga 6% që ishte tani e çoni 0%, ne u kemi kërkuar të na jepni një shembull, më të mirin për ju dhe më të keqin për ne. Ne nuk kemi interes të blejmë tek prodhuesi shqiptar, unë ta blej me TVSH-në 0 dhe ta shes me 20% të mbyt produkti i Bosnjës dhe i Serbisë në Shqipëri. Më thoni ju ta blej unë me zero lëndën e parë dhe ta shes me 20% TVSH nuk ka shanse. Lënda e parë e jona zë 60% të kostos tonë të prodhimit. Duhet shtruar situata që mos të jetë vonë nesër. Ka rënë numri i fermave dhe i krerëve”, u shpreh ai.
Edhe Gjata, sikur kryetarja e Agrobiznesit, i kërkoi qeverisë që të tërhiqet nga këto ndryshime dhe të analizojë më parë cdo detaj, duke e quajtur këtë një problem kombëtar që dëmton fermerët, të cilët nuk do arrijnë të marrin asnjë subvencion.
“Ne propozojmë një grup studimi, merrni një shembull një shtet të huaj dhe e vendosim. Thuhet do jepni subvencion si do e japësh, unë nuk kam interes t’ia marrë qumështin me letra. Ai që sjell qumështin nga Serbia ai merr fitimin që atje. Po nuk u rregullua do të ketë një rënie drastike. Nuk ka 289 mijë krerë lopë jo është më pak se gjysma. Skema është problem kombëtar nuk është problem politik”, u shpreh ai.Ndër të tjera ai tha se qeveria duhet që të kthejë vëmendjen për investime nga ky sektor dhe jo të shoh skema se si ta rrjepë atë.E.H/gijotina.com/
Discussion about this post