Futbollisti i ekipit kombëtar shqiptar, Sokol Cikalleshi, në një lidhje me ‘Skype’ nga Turqia, ka thënë për emisionin “Ora Sport” se Armando Broja është një lojtar me potencial të mirë për ekipin shqiptar.
Ai u shpreh se deri më tani nuk ka luajtur bashkë me Brojën dhe se mund të luajnë në ndeshjet në vijim
“Me Brojën nuk kam pasur mundësi të luaj deri tani. Deri tani kam luajtur me Uzunin, Balën, por mund të luajmë me atë dhe ta shikojmë në fushë. Do ta shikojmë në fushë lojën. Besoj që është një potencial që do na ndihmojë jo vetëm tani, por edhe në të ardhmen”, tha Cikalleshi.
Ndërsa kjo është hera e parë që nga marrja e drejtimit të stolit të Kombëtares nga Edoardo Reja që nuk grumbullohet sulmuesi lushnjar Rei Manaj./K.T/Gijotina.com
Discussion about this post