Agim Binaj kontabilist dhe ekspert fiskal, i ftuar në Komisionin e Veprimtarisë Prodhuese, i ka kërkua qeverisë që TVSH-ja duhet të shpërndahet në të gjitha hallkat. Sipas Binajt, është i gabuar fakti që qeveria kërkon të shtojë pagesën e TVSH për bizneset në kalimet doganore. Binaj tha se kjo nuk mund të bëhet pasi, TVSH nuk është taks doganore, pra qeveria po e trajton atë në formën e gabuar.
Sakaq, ai theksoi që barrë e TVSH në vend bie vetëm në disa biznese, prandaj dhe ndërmarrjet ankohen. “Ne TVSH e trajtojmë si një problem të shkëputur, por më jepni një eksperiencë në botë ku përjashtohen bizneset me xhiro deri në 10 milionë lekë. ose më jepni një eksperiencë që TVSH është kompensim. TVSH-ja duhet të shpërndahet në të gjitha hallkat. Si mund të paguhet TVSH-ja në doganë kur nuk është taksë doganore, ajo është taksë e tërthorët që i merret konsumatorit. Hiqni dorë nga përjashtimet se prishet cikli, nuk mund ta presësh TVSH-në deri në 10 milionë lekë, sepse është tatim mbi qarkullimin. Mund të bësh përjashtime tek shërbimet, por jo në qarkullimin e mallrave, me taton mua që në doganë pa e shitur mallin”, tha ai.
Ndër të tjera ai përmendi si shqetësim edhe nivelin e lartë të informaliteti në vend, duke theksuar se këto ndryshime e rrisin evazionin fiskal në vend. Ne evazionin fiskal e kemi 45%, të paktën kjo është zyrtare por ka edhe të dhëna për 60%, po kush do na e luftoj ne këtë? Do e luftojë fatura fiskale ose fiskalizimi që e kemi lënë mes rrugës? Porsa i përket TVSH-në nuk duhet të kalojë ky ligj, ose duhet të bëhen ndryshime tërësore ose mos bëni eksperimente, pasi nuk garanton uljen e evazionit”, u shpreh ai, duke theksuar se kjo kërkesë vjen edhe nga kolegët e tjerë kontabilistë. E.H/Gijotina.com/
Discussion about this post