Kosova do të përballet në nëntor me Jordaninë në ndeshje miqësore dhe me Greqinë për takimin e fundit kualifikues të Botërorit ‘Katar 2022’.
Federata e Futbollit të Kosovës ka bërë me dije sot se tre nga lojtarët e ftuar për grumbullim për këto takime nuk do t’i bashkohen grupit të ‘Dardanëve’.
“3 futbollistë që ishin pjesë e listës së përzgjedhësit Gliha nuk do t’i bashkohen ekipit në këtë grumbullim. Elbasan Rashani ka pësuar lëndim në ndeshjen e djeshme me klubin e tij, kurse Lirim Kastrati e Bersant Celina me kërkesën e tyre për shkak të situatave respektive në klubet e tyre janë liruar nga obligimet me ekipin kombëtar për këtë grumbulli”,-shkruhet në njoftimin e FFK-së.
Po ashtu në njoftimin e federatës së Kosovës shtohet se sulmuesi i Konyaspor Zymer Bytyqi është në dyshim, për shkak të një lëndimi.
“Po ashtu mbetet për t’u vlerësuar situata e Zymer Bytyqit, që ka pësuar lëndim në ndeshjen e djeshme me klubin e tij. Bytyqi është duke i kryer ekzaminimet mjekësore me klubin e tij dhe më pas do të merret vendimi definitiv për të”,– shtohet në njoftim./K.T/Gijotina.com
Discussion about this post