Dëshmia e vajzës 14- vjeçare që sipas hetimeve ishte shkaku i vrasjes së Florenc Kovaçit në Elbasan, ka zbuluar detaje mbi të shkuarën e viktimës dhe vëllezërve.
Në një deklaratë për mediat ajo tregon se është përdorur për shpërndarjen e lëndës narkotike për 1 vit e gjysmë nga dy vëllezërit. Ndërsa ka shtuar se Mikelin e kishte më shumë se shok, por miqtë e dy vëllezërve e kanë shfrytëzuar për 1 vit.
“E kapi vëllai im nga kraharori. Unë e kapa dhe e tërhoqa. Florencin e kisha shok, kurse me Mikelin isha më ndryshe, isha më shumë se shokë. Kam shpërndarë lëndë narkotike për 1 vit e gjysmë. Ma jepnin dy vëllezërit dhe disa persona të tjerë që më kanë shoqëruar. Pjesë e shfrytëzimit ka qenë, më kanë shfrytëzuar për 1 vit të gjithë personat që Mikeli dhe Florenci i quanin shokë dhe ishin konsumator të lëndëve narkotike”, tregoi ajo
Por gjithashtu ajo shtoi se familja ishte në dijeni të situatës së saj, por nuk kishte pranuar ndihmë prej tyre. “Kam folur dhe me familjen time, por isha treguar aq budallaqe sepse i ktheva shpinën familjes,”tregoi ajo.
Ngjarja e rëndë ndodhi mbrëmjen e së shtunës kur pati përplasje mes vëllait të së miturës dhe dy vëllezërve. Autori 23-vjeçar nxori thikën dhe qëlloi për vdekje Florenc Kovaçin, 28 vjeç ndërroi jetë ndërsa plagosi vëllain e tij, Mikel Kovaçin.
Discussion about this post