Ditën e shtunë, me datë 6 nëntor, në “Për’puthen Prime” ka ndodhur një skandal mes Alvisës dhe ish të dashurit, Hysen Rama ku ky i fundit publikoi disa incizime dhe mesazhe me vajzën në fjalë. Ai ka hedhur akuza të forta ndaj Alvisës duke e nxjerr atë mashtruese dhe të shtirur, madje duke i thënë se nuk veproi ashtu sikur i kishte kërkuar ai.
Nga ana tjetër, Alvisa ka publikuar disa foto dhe mesazhe ku tregonte se Hyseni e ka mbajtur me zor në komunikim pasi ajo hyri në program dhe gjithashtu e ka dhunuar në kohën kur bashkëjetonin.
Arjani u acarua nga fakti se Alvisa kishte gënjyer gjatë gjithë kësaj kohe, ndërsa degradoi në ofendime ndaj saj, duke përdorur epitete si “pipirickë” dhe “e pacipë”.
Në emisionin e sotëm, opinionisti kërkoi falje, teksa tha se në atë situatë të papritur, e mori rrjedha e ngjarjes dhe nuk po mund të arsyetonte.
“Më ra tensioni, u ndjeva keq, u kërkova ndihmë vajzave të emisionit. Situate ime fizike shkaktoi tronditje shumë të madhe. Kërkoj ndjesë publike që nuk e dënova shantazhin e hapur ndaj Alvisës”.
Po ashtu, ai tha se tani janë organet kompetente që duhet të vendosin dhe që kjo histori të shërbejë si kurajo për të gjithë vajzat që kanë rënë pre e dhunës.
“Po të mos ndodhte emisioni, historia do të mbetej në heshtje. Historia të paktën të shërbejë si kurajo për të gjitha ato vajza që kanë rënë pre e dhunës, shantazheve. Të denoncojnë çdo rast”!
Kjo nuk është hera e parë që Alvisa dhe Arjani debatojnë në këtë llojë mënyre. Ata gjithashtu janë kapur edhe për futjen e ish të dashurit të Alvisës në emision. Arjani i tha Alvisës se po e akuzonte pa të drejtë se nuk ishte ai i cili kishte përkrahur futjen e Hysenit në emision.
Pas zënkave mes tyre, Arjani doli jashtë nga kontrolli duke çuar situatën në ofendime ndaj Alvisës, e cila serish largohet por kësaj radhe jo vetëm, bashkë me të edhe çunat.
Kjo përplasje mes Arjanit dhe Alvisës bëri që edicionit të ndërpritet.
Discussion about this post