Ngjarja që ka ndodhur ditën e shtunë, më datë 6 nëntor, në “Për’puthen Prime” mes Alvisës dhe Hysenit është bërë biseda e ditës jo vetëm nga portalet, por edhe mediet e ndryshme televizive, në lidhje me fenomenin dhe deklaratat që u përsëritën në emision, që për shumë njerëz ishin shokuese.
Për këtë gjë, u bisedua gjithashtu edhe në emisionin “Ftesë në 5” ku sociologut Gëzim Tushi, kritikonte fenomenin e shitjes së trupit dhe bukurisë për para, duke e konsideruar shoqërinë e sotme si “shoqëri spektakli” apo “shoqëri e dukjes”.
Të njëjtin mendim ndante edhe gazetari i njohur Blendi Salaj, i cili në bisedë e sipër nuk ngurroi të kritikonte një prej çifteve të dalë nga “Përputhen”.
“Vajza që ishte herën e kaluar në “Përputhen” bashkë me atë të dashurin e fshehtë që kishte brenda, gënjyen gjithë dynjanë”, u shpreh ai.
Një ndërhyrje pati nga Jerina Lalaj, sipas të cilës çdo gjë ndodhi pasi ata donin famë dhe përfitime nga lojërat që organizonin në Instagram.
“Ata u shitën për ‘giveway’ Blendi, t’i ndajmë gjërat”, sqaroi më tej Lalaj.
Rikujtojmë se në programin “Për’puthen” ka ndodhur një skandal mes konkurrentëve, konkretisht mes Alvisa Qarrit dhe ish të dashurit të saj, Hyseni Rama, ku ky i fundit publikoi disa incizime dhe mesazhe me vajzën në fjalë. Ai ka hedhur akuza të forta ndaj Alvisës duke e nxjerr atë mashtruese dhe të shtirur, madje duke i thënë se nuk veproi ashtu sikur i kishte kërkuar ai. Nga ana tjetër, Alvisa ka publikuar disa foto dhe mesazhe ku tregonte se Hyseni e ka mbajtur me zor në komunikim pasi ajo hyri në program dhe gjithashtu e ka dhunuar në kohën kur bashkëjetonin.
Discussion about this post