Në një tunel të Tiranës, ku më përpara përdorej gjatë komunizmit për mutacione ushtarake, u zhvillua një festë e shthurur nga të rinjtë shqiptarë dhe të huaj, për një “party” sekret “rave”, mes muzikës elektronike techno, drogës, seksit dhe simboleve hipnotizuese.
Vendi zgjidhet nga organizatorët e festës dhe biletat shpërndahen nga njerëz të ndryshëm, të cilët kanë akses për të qenë pjesë e këtij eventi të fshehur, pasi deri tani nuk kemi dëgjuar ndonjëherë për festivale të tilla nëpër Tiranë.
Jashtë tunelit gjen njerëz të cilët, konsumonin alkool nën petkun e muzikës dhe përpiqen të shijojnë momentin së bashku. Ndërsa brenda, ndodhte kënaqësia e vërtetë. Nga larg shquhen dritat hipnotizuese që ndizeshin dhe fikeshin në ritëm të vazhdueshëm kohor me atë të muzikës, ndërkohë që mund të shikoje drogë dhe ekstazi kudo, i sjellë me vete nga të tjerët.
Njerëz që enden si të shkëputur nga realiteti, të tjerë që konsumonin drogë të ulur përtokë dhe një grup tjetër mes të cilëve kishte edhe shqiptarë që putheshin dhe kërcenin ngjitur me njëri-tjetrin, ky është imazhi i parë me të cilin përballesh, në një festë tipike “rave”.
Discussion about this post