Alban Beqiri fitoi medaljen e bronzit në kampionatin Botëror të Boksit që u zhvillua në Beograd të Serbisë. Ai falenderoi të gjithë mbështetësit ndërsa theksoi se fokusohet tek boksi i vërtetë dhe jo tek shou, ndoshta një thumbin për Florian Markun.
“Kjo është data më e rëndësishme e të gjithë karrierës sime. Jam shumë i lumtur që kam arritur të jem i pari në historinë e boksit shqiptar të sjell një medalje të Kampionatit Botëror. Jam shumë i lumtur që pata mundësinë të ngrihej flamuri kuqezi në mes të Beogradit për të përfaqësuar Shqipërinë, Kosovën, Maqedoninë dhe gjithë diasporën.
E them me bindje se gjatë gjithë jetës sime nuk kam bërë kurrë shou apo publicitet fals për boksin. Atë çfarë kam arritur e kam arritur me thjeshtësi, me shumë punë dhe duke u paraqitur ne ring si një luftëtar me shpirt të madh që kurrë nuk dorëzohet, derisa ia dola të bëj këtë arritje në këtë sport burrëror, duke përfaqësuar denjësisht vendit tim. Jam shumë mirënjohës ndaj të gjithë atyre që janë ndjerë krenar me mua dhe më kanë mbështetur”, shkruan Beqiri.
Discussion about this post