Ministrja e Bujqësisë, Frida Krifca ka reaguar për herë të parë pas deklaratës që shkaktoi reagime të shumta katër ditë më parë në Komisionin e Veprimtarisë Prodhuese, ku tha se do të hapet një akademi barinjsh.
Gjatë fjalës së saj, ministrja tha se e gjitha ka qenë një keqkuptim dhe se kjo nuk është shpikur nga ajo, por është një eksperiencë e parë në Zvicër apo Angli.
“Mund të bëj një sqarim në keqkuptimin e ndodhur në mbledhjen e kaluar. Një keqkuptim i ndodhur dhe me artikulimin e fjalës akademi. Në lidhje me fjalën akademi kjo është një eksperiencë që nuk e kemi shpikur por e kemi parë në disa vende, Zvicra Anglia Spanja e kanë një qasje drejt zgjidhjes së problemit të migrimit të njerëzve nga profesioni i bujkut të cilët po përpiqen t’i adresojnë duke dhënë mbështetje në formimin e tyre për t’i angazhuar në këtë profesion. E kemi konsultuar dhe me donatorët, që si drejtoreshë e AZHBR jam konsultuar dhe me universitetin bujqësor, që në 2018 kemi filluar të mbështesim stanet. Është një program që do të vazhdojmë ta përforcojmë dhe ta ndihmojmë për të ruajtur traditën në fusha të tilla. Kjo jo e shprehur vetëm në blegtori dhe zanatin e barinjve por dhe në zanatin e fermerëve të rinj që i bashkohen trupës së bujqësisë. Ky ishte sqarimi që doja të bëja“, tha ministrja.
Në mbrojtje të Krifcës, doli një ditë më parë kryeministri Rama, ku tha në Parlament se në vendet e tjera kjo është diçka krejt normale, ndërsa sulmoi deputetët e opozitës për reagimin e bërë në lidhje me temën.
Discussion about this post