Gazetarja Klodiana Lala u shpreh mbrëmjen e sotme se janë avancuar hetimet lidhur me inceneratorin e Tiranës.
Lala tha se përgjatë 3 muajve të fundit ka një avancim të hetimeve lidhur me këtë incinerator, veçanërisht pas vendosjes nën sekuestro.
“A do arrestohet Erion Veliaj? Këtë nuk di ta them sepse nuk jam prokurore e çështjes.
A do arrestohet Sekretari i Përgjithshëm i Këshillit të Ministrave? Edhe këtë nuk di ta them, por di që Engjëll Agaçi është marrë në pyetje për disa orë nga SPAK.
Mendoj se po shkohet drejt një finalizimi të çështjes”, tha Lala në emisionin Krasta Show.
Lala tha se Agaçi është marrë në pyetje në limitet e orarit zyrtar dhe ka dalë nga zyrat e SPAK pas përfundimit të orarit zyrtar.
Discussion about this post