A do bashkëpunojë me kryebashkiakët e opozitës? Rama bën ‘të rëndin’

Kryeministri Rama tha se bashkëpunimi me kryebashkët e opozitës është i pamundur dhe këtë gjë e ka treguar eksperienca.

Megjithatë ai tha se në rast se do ketë kryetarë bashkish që do vënë interesat e komunitetit mbi agjendat politike, për të nuk ka asnjë problem, përkundrazi është detyrë.

“Është diçka që unë e kam sqaruar çdo herë që kam folur për këtë temë. Bashkëpunimi me ta është i pamunudur, jo për shkakun tim, këtë e tregon eksperienca. Natyrisht, pastaj kjo është diçka që na bashkon rast pas rasti.

Nëse do të ketë kryetarë bashkish pro aktivë, do të vënë interesat e komunitetit mbi agjendat politike dhe do duan të bashkëpunojnë me qeverinë, si partner në shërbim të komunitetit, ne nuk kemi asnjë problem me këtë dhe përkundrazi ne e kemi për detyrë dhe për privilegj”,-tha kryeministri Rama.