Kryeministri Edi Rama tha se reformën zgjedhore duhet ta bëjë komisioni përkatës dhe më pas do të shihet në sallën e Kuvendit se sa vullnet ka për ta miratuar ose jo.
Rama ka shmangur një përgjigje të drejtëpërdrejtë lidhur me pyetjen nëse reformën zgjedhore do e miratojë me votat e deputetëve që mbështesin Lulzim Bashën, por në anën tjetër ka pranuar se propozimet për ndryshimet në Kodin Zgjedhor do të bëhen nga Komisioni i reformës, i cilika si bashkëkryetar Enkelejd Alibeajn, që nuk pranohet nga shumica e deputetëve të PD.
“Ku është ky? Po më the në zyrën e tij s’do të pyes ku e ka zyrën e pastaj do të ngatërrohemi më keq. Të pyesësh a ta bësh reformën zgjedhore me Bashën,. Dhe Çuçi të thotë po, i bie të marrë një angazhim që mund të mos mbajë se ai mund të të mos shfaqet, dhe i bie që është një shaka më shumë se gjysma e së vërtetës.
PD është katandisur në diçka që, është një histori unikale.
Në këtë rast kemi një komision të reformave zgjedhore, dhe ai komision do të bëjë reformat zgjedhore. Komisioni ka mundësinë të na japi një propozim për draftin dhe do shohim sa vullnet do ketë në sallë, nëse do ketë 84 vota do kalojë, nëse jo nuk do kalojë”, tha Rama.
Discussion about this post