Analisti Andi Bushati tha mbrëmjen e sotme në emisionin “Të Paekspozuarit” se hetimi i Erion Veliajt nga SPAK lidhur me inceneratorin e Tiranës është në dorën e Kryeministrit Edi Rama.
Bushati tha se gjithçka do të varet nëse Edi Rama do e lëshojë ose jo Erion Veliajn. Sipas analistit, nëse Rama lëshon Veliajn, SPAK e merr nën hetim.
Ndërsa gazetari investigativ Artan Hoxha tha se nuk beson se SPAK do të shkojë deri te Erion Veliaj në rastin e inceneratorit.
“SPAK tentoi fort te Kryebashkiaku i Fierit në rastin e inceneratorit atje dhe nuk arriti. Nisur nga kjo nuk besoj se do të goditet Veliaj në Tiranë. Shikoni me kujdes, janë zhdukur të gjitha lajmet për inceneratorin e Tiranës, askush nuk flet. Në rastin e inceneratorit të Tiranës kemi një frangmentarizim të dosjes. Altin Dumani hetoi rastin e Arben Ahmetajt dhe në atë dosjen për Ahmetajn përmendet edhe Erion Veliaj. Prokurori që po heton inceneratorin e Tiranës, ka qenë prokuror në Tropojë, zëvendësoi Dumanin atje në fillim të viteve 2000, pra dy prokurorët e njohin njëri-tjetrin, njohin praktikat. Nuk e di nëse hetimet në Tiranë do të arrijnë deri te Veliaj”, tha Hoxha.
Discussion about this post