Kryetari i Partisë Republikane Fatmir Mediu, foli për ‘non gratën’ e kreut të PD Sali Berisha, ku u shpreh se Berisha do të kërkojë që t’i hiqet ky vendim.
I ftuar në emisionin ‘Log’, Mediu theksoi se zyrtarë të lartë në Uashington kanë kërkuar të verifikohen fakte, për “non gratën” e Berishës.
“Sali Berisha do kërkojë që të hiqet non grata për të, sepse sanksioni është pa baza dhe pa fakte, që kështu të mund të krijojë raporte normale me diplomatët amerikanë. Nuk ka të bëjë vetëm me LaCivita-n, por ka edhe rrugë të tjera.
Për më tepër funksionarë të lartë në Uashington kanë kërkuar që të verifikohen faktet për sanksionimin që mund t’i jetë bërë Sali Berishës”, u shpreh ai.
Mediu, foli edhe për ardhjen e Chris LaCivita në Tiranë, strategu i presidentit, Donald Trump, i cili do të drejtojë fushatën e PD-së për zgjedhjet e 11 majit.
Ndërsa thekoi se ardhja e strategut të presidentit Trump në Tiranë nuk është lobim.
Ai njoftoi gjithashtu së në Tiranë do të vijë edhe Tony Fabrizio, një tjetër republikan,i cili u angazhua në fushatën elektorale te Trump në vitin 2016 dhe në vitin 2024.
“Ardhja e Chris LaCivita nuk ka qenë çështje financiare, por edhe qëndrim ndryshe i tij, që Europa të ndryshojë, pasi e majta e zhyti kontinentin në krizë. La Civita-n e sollëm ne. Kam njohur njerëz pranë LaCivita-s. Është dëshira e tij që të sjellë ndryshim në Shqipëri. Është marrëdhënie e menaxhimit elektoral, nuk është lobim. Është kualitet i lartë i menaxhimit të fushatës. Do të vijë edhe Tony Fabrizio”, tha Mediu.
Discussion about this post