“A do jepni dorëheqjen nëse humbisni në 6 mars?”/ Basha: Do mbaj përgjegjësitë e mia

Në konferencën që po zhvillon sot me mediat, kreu i PD u pyet nga gazetarët nëse do të jepte dorëheqjen në rast se PD i humbet  zgjedhjet e 6 marsit. Basha tha se ai iu qëndron përgjegjësive të tij dhe investon vetëm për PD-në. Sakaq, ai tha se dorëheqje duhet të japin ata që sulmojnë PD, kur dikur ishin pjesë e saj.,

“Fjalimet e atyre që janë justifikuar i keni shumë qejf ju. Mos të kesh asnjë merak ti se përgjegjësive të mia u kam qëndruar unë dhe u qëndroj. Këtë pyetje bëjani atyre që sulmojnë PD-në duke u përpjekur të largojnë vëmendjen nga këto denoncime që po bëjmë”, tha ai. Ndërsa përmendi se tani fokusi i PD do të jetë zbardhja e të vërtetës për inceneratorët dhe regjimi i Ramës të rrëzohet përfundimisht.