A do jetë Broja pjesë e kombëtares në Euro2024? Ja ç’thotë Sylvinho

Trajneri i Kombëtares, braziliani Sylvinho ka vlerësuar skuadrën për kualifikimin në Euro 2024.

Në emisionin “Opinion”, Sylvinho foli edhe për Armando Brojën. Ai tha se Broja dhe shumë të tjerë do të jenë pjesë e skuadrës që do të na përfaqësojë në Euro 2024, por thotë se futbollisti ka pësuar një incident të vështirë, ndaj dhe i duhen 2-3 muaj qetësi.

Sylvinho: Ne kemi konsumuar shumë energji me Moldavinë dhe kur menduam se fituam dhe nuk ishte e thjeshtë. Festuam shumë. Koka e futbollistit… Jemi qenie njerëzore. Ju e keni parë festën që u organizua.

Blendi Fevziu: Mungonte një gol…

Sylvinho: Nuk mungonte asgjë. Për ta mbyllur mund ta kishim bërë, por nuk është e thjeshtë të menaxhosh kokën e futbollistit. Ne ishim aty në “count doën”… 1-0, mbaron, mbaron. Mos të harrojmë se kjo është hera e dytë që shkojmë në Europian. Unë kam fjetur 2-3 orë. Kemi bërë një garë të fortë, por kemi dhënë shumë.

Blendi Fevziu: Formacionin e ndryshuar në ndeshjen me Ishujt Faroe, a ke bërë për t’i dhënë mundësi lojtarëve të rinj?

Sylvinho: Ne kemi 2 gara, në Mars dhe 1 garë, ndoshta 2, para se të shkojmë në Evropian. Për një Kombëtare nuk ka kohë. Çdo 15 minuta për lojtar vlen një jetë.

Blendi Fevziu: Ky do të jetë grupi që do të jetë në Evropian?

Sylvinho: Grupi është ky, 80 apo 90 për qind… Ka edhe disa muaj, duhet të presim.

Blendi Fevziu: Po Armando Broja, a do të jetë pjesë e skuadrës?

Sylvinho:: Broja dhe shumë të tjerë, Kombëtarja është e hapur për ato. Është lojtar i veçantë, ka pësuar incident të fortë. Ai duhet të ketë 2-3 muaj të qetë që të rifutet në lojë.

Blendi Fevziu: A keni folur me të, a është ai gati për të ju bashkuar skuadrës?

Sylvinho: Sigurisht, jam shumë i sigurtë.